Personi i infektuar fut në panik vendin/ Qyteti me 1.7 milionë banorë futet në karantinë

Qyteti i Auckland me 1.7 milionë banorë në Zelandën e Re do të futet sërish në karantinë  për të paktën 1 javë. Kjo, pasi kryeministrja e Jacinda Ardern bëri me dije se është zbuluar një rast i ri me Covid-19.

Banorët do të duhet të qëndrojnë të izoluar, ndërkohë që kanë të drejtë të dalin vetëm për të shkuar në punë apo për të blerë ushqime.

Qytetarët nuk do të lejohet të hyjnë apo të dalin nga qyteti, ndërsa do të mbyllen edhe disa shkolla të cilat paraqesin rrezik të lartë infektimi.

Ka dyshime se personi i infektuar e ka marrë virusin rreth një javë më parë, ndaj edhe qytetarët janë të panikosur pasi infeksioni mund të jetë përhapur.

Zelanda e Re është një nga shtetet që ka përballuar më së miri luftën ndaj koronavirusit. Shteti me 5 milionë banorë ka regjistruar vetëm 26 viktima që nga fillimi i pandemisë.