Ndodh për herë të parë pas luftës/ Deputeti flet shqip në Kuvendin e Serbisë, ja deklarata

Një situatë e pazakontë është ajo që ka ndodhur së fundmi në Kuvendin e Serbisë.

Përfaqësuesi i shqiptarëve Shaip Kamberi ka mbajtur një fjalim në shqip përballë deputetëve të tjerë.

Edhe pse vazhdimisht kishte ndërhyrje, Kamberi vijoi të ngrejë zërin ndaj vendimit të Gjykatës së Lartë në Beograd që ka refuzuar ta shpallë fajtor Ministrin Aleksandër Vulin për diskriminim, fyerje dhe gjuhë të urrejtjes ndaj shqiptarëve.

Sipas Kamberit vendimi për të legalizuar termin ofendues “shqiptari” është i  rrezikshëm për minoritetet në Serbi por edhe për gjithë Ballkanin Perëndimor.

“Vendimi i Gjykatës së Lartë në Beograd krijon standard legjitimues për gjuhë të urrejtjes ndaj minoriteteve jo vetëm në Serbi, por edhe në Ballkanin Perëndimor. Si do të reagonte shoqëria serbe sikur homologu kosovar i Aleksander Vulinit do të zgjohej një ditë nga gjumi dhe do të vendoste se prej sot serbët quhen me termin pezhorativ “shkije” dhe këtë ta legalizonte gjykata në Prishtine” tha Kamberi.