Muzika në zi/ Pas një beteje me sëmundjen e rëndë, ndahet nga jeta parakohe këngëtari shqiptar

Një lajm i hidhur është ai që vjen së fundmi nga muzika shqiptare.

Mësohet se këngëtari Rifat Kida ka ndërruar jetë në moshën 51-vjeçare si pasojë e një sëmundjeje të rëndë.

Lajmin e ka bërë të ditur motra e tij, Resmije Kida Lumani.

“Miqtë e mi sot nga sëmundja e pashërueshme ndërroi jetë vëllai im Rifat Kida. Varrimi do të bëhet në vendlindje në fshatin Cërmjan të Dushkajës – Gjakovë”, ka shkruar Lumani.

Resmije e Rifat Kida ishin anëtarë të shoqërisë më të njohur që mbante emrin “Jahë Salihu Nivokaz”, prej nga ishin edhe këngëtarët, të cilët u bënë të famshëm me zërin e tyre të veçantë.