LIGJET E BIZNESIT
Doza e parë e vaksinës kundër Koronavirusit e Pfizer Inc është 85% efektive. Në këto përfundime ka dalë një studim i punëtorëve të kujdesit shëndetësor në një spital izraelit, duke nxitur kështu një debat mbi orarin e rekomanduar me dy doza ndërsa qeveritë përpiqen të shtrijnë furnizimet me vaksina.
Referuar Reuters, gjetjet e Qendrës Mjekësore Sheba krahasohen me efikasitetin e përgjithshëm prej 95% në një regjim dy dozash 21 ditë larg nga njëra-tjetra, të vaksinës së zhvilluar me BioNTech.
Studimi Sheba tha se mes 7,214 pjesëtarëve të stafit të spitalit të cilët morën dozën e tyre të parë në muajin janar, kishte një ulje 85% të rasteve simptomatike brenda 15 deri 28 ditë.
Reduktimi i përgjithshëm i infeksioneve ishte 75%.
Por epidemiologia Gili Regev-Yochay, paralajmëroi se grupi i studiuar në spital ishte “kryesisht i ri dhe i shëndetshëm”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në ndryshim nga prova klinike e Pfizer, “ne nuk kemi shumë (staf) këtu të moshës mbi 65 vjeç”, tha ajo për gazetarët.
Po ashtu, ajo vuri në dukje se studimi Sheba u zhvillua në kohën kur kishte rritje të infeksioneve me COVID-19 në Izrael.
Pfzer nuk pranoi të komentonte të dhënat, duke thënë se po bënte analizën e tij të “efektivitetit të vaksinës në botën reale në disa vende në të gjithë botën, përfshirë Izraelin”.
