Manastirliu nuk humbet asnjë sekondë kohë: “Vaksinim me ritme të shpejta për të moshuarit”

Procesi i vaksinimit në spitalete e vendit ka vijuar në 4 qendrat e vaksinimit në Tiranë, Shkodër, Vlorë, Fier.

Vetëm një ditë më parë janë kryer 1128 vaksinime anti-Covid për personelin shëndetësor dhe në shtëpitë e të moshuarve.

Ministrja e Shëndetësisë dhe Mbrojtjes Sociale, Ogerta Manastirliu pohon se krahas vaksinimit të stafit shëndetësor, ky proces po vijon me ritme të shpejta për të moshuarit në shtëpitë e përkujdesit.

“Gjysh Kujtimi dhe të gjithë gjyshet e gjyshërit në Shtëpinë e të Moshuarve në Fier janë sot më të mbrojtur nga COVID19, pas marrjes së dozës së parë të vaksinës antiCOVID. Teksa vazhdojmë vaksinimin e mjekëve dhe infermierëve, po vaksinojmë me ritme të shpejta të moshuarit në shtëpitë e përkujdesit anë e kënd vendit si edhe personelit që shërben për ta”, shprehet ministrja.