LIGJET E BIZNESIT
Pas deklaratave tē bëra dy ditë më parë në adresë të tij nga kryetarja e LSI-së Monika Kryemadhi, ditën e sotme ka reaguar ish-deputeti i LSI-së, Gledion Rehovica.
Pas takimit elektoral me ish-strukturat e gruas së LSI-në Berat, Rehovica i ka dhënë një përgjigje Kryemadhit duke deklaruar se ai nuk ka kryer asnjëherë asnjë vepër penale, as në Shqipëri dhe as në Itali.
“Kam një vendim gjykate të pushimit të çështjes të kërkuar nga Prokuroria dhe të pranuar nga Gjykata. Nëse ky vendim i gjykatës nuk është i barasvlefshëm me ato vendime të gjykatës që mund ti vijnë mirë zonjës Kryemadhi s’di çtë them” është shprehur Rehovica.
Ai vijon më tej duke thënë se i gjithë ai proces ka qenë një thikë pas shpine e iniciuar nga ish-partia e tij për të mbajtur nën kontroll dhe nën presion të gjithë deputetët e LSI-së.
Akuzave të Kryemadhit se ka qenë ajo që i ka larguar nga partia, Rehovica është përgjigjur, duke thënë se është ai që është larguar nga LSI-ja pasi për të nuk është më ajo parti që ka qenë, nuk është më partia që themeloi Ilir Meta.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sa i përket akuzave të Kryemadhit se ai nuk dinte të shkruante e të lexonte, Gledion Rehovica i është përgjigjur duke thënë “Unë ju siguroj që kam bërë më shumë shkollë dhe kam lexuar më shumë libra se zonja Kryemadhi dhe nuk kam blerë apo kopjuar ndonjë tezë doktorature”.
