Flamur Noka “shpërthen” nga Kamza: Do ua presim gishtat atyre që i fusin në xhepat tuaj

Ish-deputeti i Partisë Demokratike Flamur Noka ka shpërthyer në akuza ndaj qeverisë, në një takim që ka mbajtur para elektoratit të djathtë në Kamëz.

Ai ka deklaruar se i njeh me emra e mbiemra të gjithë nënpunësit të cilët tentojnë të përfitojnë në kurriz të popullit.

Ish-deputeti u shpreh se do t’u priten gishtat atyre që tentojnë të vjedhin, pasi koha e vjedhjes së lekëve ka marrë fund.

“Burg dhe vetëm burg për të gjitha ata që abuzojnë dhe do të tentojnë t’ju nëpërkëmbin ju. Ta harrojnë! I di me emër dhe mbiemër se kush po merret, i di edhe ata nënpunësit se ku i fusin duart. Por do t’ua u presim gishtat atyre që fusin gishtat në xhepat tuaj. Kjo kohë do të marrë fund, sepse koha e vjedhjes së lekëve tuaja nuk mund të vazhdojë më. Koha e tyre ka marrë fund”, thotë Noka.