A do të ketë mbyllje që në 18.00? Sot mblidhet Komiteti i Ekspertëve, ja çfarë pritet të vendoset

Ditën e sotme pritet që Komisioni Teknik i Ekspertëve të vendosë masat e reja në lidhje me parandalimin e përhapjes së C OVID19.

Masat kufizuese që hynë në fuqi me datë 11 shkurt dhe do të zgjasnin dy javë, skadojnë pikërisht sot.

Kështu që Komiteti pritet që të mblidhet sot dhe ti propozojë qeverisë shtrëngimin e masave.

Nga burime jozyrtare është thënë se sot Komiteti do të vendosë për kufizimin e lëvizjes nga ora 18:00 e pasdites deri në 06:00 të mëngjesit.

Gjithashtu pritet që të lajmërohet dhe për izolimin total të fundjavave, për 14 ditë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ky shtrëngim vjen për shkak të rritjes së frikshme të rasteve pozitive ditore dhe vdekjeve për shkak të virusit.

Kujtojmë se prej afro një muaj numri i rasteve pozitive ditore është bërë 4-shifror, ndërsa mesatarja e jetëve të humbura është 15 në ditë.

Vetëm dje sipas shifrave zyrtare nga Ministria e Shëndetësisë, janë kryer 3897 testime dhe kanë rezultuar pozitivë 1021 qytetarë. Me gjithë përpjekjet e stafit mjekësor, 19 qytetarë e kanë humbur betejën me virusin.