LIGJET E BIZNESIT
Fatkeqësisht, në ditët e sotme ka shumë çifte të cilët edhe pas shumë përpjekjeve nuk ia dalin dot të bëhen me fëmijë. Ndodhur në këto kushte, shpresa e vetme është nëpërmjet procesit in Vitro por që kushton shumë.
E tillë ishte dhe historia e Ilirit dhe Alketës që u trajtua mbrëmjen e sotme në programin “Dua të të bëj të lumtur”. Iliri, i ndodhur në studio rrëfeu se ishte njohur me Alketën nëpërmjet një të afërmi të tij dhe se të dy kishin rënë menjëherë në dashuri me njëri-tjetrin.
Pas shumë kohësh, ato kishin pranuar të martoheshin dhe ishin zhvendosur në shtëpinë e prindërve të tij, në Tepelënë. Iliri tregoi se për ta jeta është tepër e vështirë për shkak të papunësisë dh jetonin vetëm me pensionin e prindërve të tij.
Pavarësisht problemeve ekonomike, Iliri dhe Alketa gjatë 12 viteve martesë kishin provuar disa herë që të sillnin në jetë një fëmijë, por fatkeqësisht nuk i’a kishin dalë dot. Pas shumë vizitave mjekësore, mjekët i këshilluan që të provonin fertilizimin in Vitro, por për Ilirin dhe Alketën kjo metodë është shumë e shtrenjtë dhe nuk e përballojnë dot financiarisht.
Për këtë arsye, Iliri kishte zgjedhur programin “Dua të të bëj të lumtur” që të falënderonte Alketën, por edhe për t’i thënë që do të jenë gjithmonë së bashku pavarësisht asaj që po i ndodh.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Alketa edhe pse kemi shumë probleme, të falënderoj shumë për çdo gjë që ke bërë. Dije se të dua shumë dhe do qëndroj gjithmonë me ty!”, u shpreh Iliri.
Kësaj nisme të Ilirit i ishte bashkuar dhe aktorja Olta Gixhari.
“Unë e shoh se sa shumë dashuri ka midis jush dhe kur më treguan për historinë tuaj, menjëherë pranova që të vij duke afruar datën e ardhjes. Dua t’ju them të mos dorëzoheni kurrë!”, u shpreh aktorja.
Në fund programi “Dua të të bëj të lumtur”në bashkëpunim me spitalin “Hygeia” kishte menduar një surprizë të madhe për çiftin nga Tepelena duke i dhuruar mundësinë e fertilizimit in Vitro.
