LIGJET E BIZNESIT
Përdorimi i maskës tashmë është kthyer në një domosdoshmëri për të gjithë.
Por në të njëjtën kohë po aq e rëndësishme është dhe zgjedhja e një maske efektive.
Tashmë ka kaq shumë produkte të tilla në treg, sa lind pyetja dhe si mund të bëhet dallimi i maskave të mira me ato që nuk mbrojnë 100%.
Si fillim e rëndësishme është që të kuptojmë funksionin e maskës.
Maska kundër C OVID19 nuk vendoset që t’ju mbrojë ju nga virusi, por që të mbrojë personat përreth në rast se jeni i/e infektuar. Pra, funksioni i maskës është që të zvogëlojë mundësitë që ju të transmetoni virusin te dikush tjetër.
Një test i thjeshtë 1-sekondësh ju tregon nëse maska që po përdorni është efektive ose jo. Prof. As.Dr. Natasha Mubeen Chida nga Johns Hopkins Medicine tha në një intervistë për Curious City|ËBEZ Chigaco (platformë që mbulon pyetjet e publikut duke i dhënë përgjigje) se për të provuar sa funksionale është një maskë, mund të përdorni një qiri (ose çakmak).
Gjithë çfarë duhet të bëni është që të tentoni të fikni një qiri të ndezur duke mbajtur maskën vënë. Në rast se arrini ta fikni, maska nuk po e bën mirë funksionin e saj, sepse qëllimi kryesor dhe i vetëm është bllokimi i daljes së ajrit.
