Tronditet Athina/ Vriten dy shqiptarë babë e bir në mes të qytetit, plagosen 2 të tjerë

Një ngjarje e rëndë ka ndodhur mbrëmjen e sotme në Athinë.

Mësohet se si pasojë e një shkëmbimi zjarri kanë humbur jetën dy persona për të cilët thuhet se janë shqiptarë.

Sipas mediave greke dy viktimat janë babë e bir, edhe pse nuk dihet ende identiteti i tyre.

Gjithashtu bëhet me dije se janë plagosur dhe dy të tjerë.

Ngjarja tronditëse ndodhi në sheshin Agios Sostis.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Raportohet se autorët kanë qëlluar nga brenda një makine dhe më pas kanë ikur.

Po ashtu mësohet se i plagosur lehtë ka mbetur punonjësi i kafenesë në të cilën ishin futur viktimat. Informacioni i parë thotë se lufta që përfundoi në një masakër u zhvillua për mosmarrëveshje financiare. Aktualisht policia ndodhet në vendin e ngjarjes, ndërsa vijojnë kërkimet për kapjen e autorëve të krimit.