Regjistrimet për konkursin më të ri në Shqipëri vazhdojnë

‘Përzgjedhur Produkti i Vitit’ është konkursi vjetor bazuar me votë konsumatori, i cili zgjedh një produkt lider në inovacion për kategori të ndryshme. Që nga themelimi POY ka arritur të ketë prezencë gjeografike në  45 shtete, të jetë konkursi më i mirënjohur për vlerësimin nga konsumatori si dhe për transparencën në përzgjedhje.  Kompania ‘Përzgjedhur Produkti i Vitit’ ka arritur të përzgjidhet ndër vite nga kompani si Coca Cola, Nestle, Procter & Gamble dhe të tjerë.

Me ekskluzivitetin e konkursit POY në Shqipëri, kompania synon të ndihmojë produktet shqiptare të kenë një markë prestigjioze marketingu, e cila do të rikonfirmojë se produktet janë Premium; të zgjerojë strategjinë e marketingut, si dhe të ndihmojë rritjen e shitjeve mbi produktin e zgjedhur, rezultat i provuar çdo herë që një produkt ka fituar konkursin në çdo shtet.

Konkursi i jep mundësi të gjitha produkteve të  konsumit si ushqimet, pajisjet shtëpiake, produktet e bukurisë, pajisjet elektronike, pajisjet e kuzhinës dhe produktet farmaceutike të marrin pjesë. Duhet që produkti të ketë një risi qoftë në dizenjo, funksion apo paketim dhe të jetë lançuar brenda një periudhe prej 24 muajsh.

Një juri e përbërë nga ekspertë të industrisë përzgjedh finalistët që plotësojnë standardet e vlerës dhe inovacionit të Produktit të Vitit. Ata finalistë të përzgjedhur kategorizohen më pas dhe gjykohen përmes një sondazhi të konsumatorëve shqiptarë në internet, të kryer nga Nielsen International. Qindra konsumatorë votojnë dhe përzgjedhin produktet fituese që ata mendojnë se janë më të denja për titullin Përzgjedhur Produkti i Vitit – Shqipëri dhe logon e kuqe të mirënjohur ndërkombëtarisht. Sondazhi realizohet për të vlerësuar inovacionin e produkteve në disa kritere, duke përfshirë apelimin e produkteve, inovacionin, kënaqësinë dhe interesin e blerjes.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Të gjithë fituesve iu garantohen përfshirje në media dhe fushatën publicitare të Produktit të Vitit Shqipëri për të rritur ndërgjegjësimin e programit dhe për t’i drejtuar konsumatorët në ueb-in e Produktit të Vitit Shqipëri. Fituesit marrin një afat licencimi 1- vjeçar për përdorim të pakufizuar të logos së Produktit të Vitit në Shqipëri në të gjithë materialin e marketingut dhe një raport të detajuar të studimit të konsumatorit me rezultate specifike për kategorinë të realizuar nga Nielsen International.