Reshjet e shiut gjatë natës/ ARRSH tregon gjendjen e akseve kryesore të vendit

Ditën e sotme Autoriteti Rrugor Shqiptar ka nxjerrë një njoftim duke dhënë informacion në lidhje me gjendjen në akset kombëtare të vendit.

Gjatë natës që lamë pas reshjet kanë vijuar në të gjithë territorin, në veri ka patur reshje bore në intensitet normal dhe është punuar për pastrimin e akseve dhe shpërndarjen e kripës.

ARRSH bën me dije se vazhdon qarkullimi normal në të gjitha akset kombëtare.

Rënia e materialeve në segmentet: Librazhd-Elbasan, Elbasan-Gjinar, Fushë Arrëz-Kalimash, Mollas-Selitë është pastruar me mjete e punëtorë dhe kontraktorët janë në terren për të mbajtur situatën në kontroll. Në rrëshqitjen e Surrelit ka filluar puna për evadimin e masivit të dherave për pastrimin e rrugës.

Në rrugën e Dardhës në orët e para të mëngjesit, për shkak të temperaturave të ulëta rekomandohet që nga km 6 deri në km 13 të qarkullohet me zinxhirë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern