Rama flet për ndërtimin: Ndërtimi i kullave në Tiranë nuk është krim, por kontribuues të ardhurash

Kryeministri Edi Rama, në prezantimin e një projekti rezidencial të ri, u shpreh se sektori i ndërtimit në vendin tonë ka probleme, por, sipas tij, është “e neveritshme dhe e papranueshme” që të futet në kornizën e krimit.

“As nuk e vë në diskutim që jo çdo gjë është e pastër, e qartë si drita e Diellit, por ama që këtë sukses evident të vendit, që sektori i ndërtimit e bën të dukshëm sapo dikush vjen në Shqipëri, ta fusim në kornizën e krimit, është diçka e neveritshme dhe e papranueshme. E kanë të vështirë disa të besojnë se si Shqipëria mund të bëjë ndërtime të tilla? Po punë e madhe se e kanë të vështirë. Ka shumë arsye pse Shqipëria mund t’i bëjë dhe janë lehtësisht të lexueshme nga ata që duan t’i lexojnë”, tha Rama.

“Është e pamundur për ne që të pranojmë që shumica dërrmuese e atyre që investojnë në ndërtim të futen në thesin e baltës për disa që mund të jenë ashtu siç thuhet, por jo për të gjithë”, shtoi kryeministri.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern