Polici bën për spital 18-vjeçarin shqiptar, e rreh barbarisht në komisariat (VIDEO)

Pjesëtari i Njësisë së Reagimit të Shpejtë në stacionin policor “Qendra” në Prishtinë Haris Kelmendi, është arrestuar mbrëmë për së dyti herë, pasi akuzohet për veprën penale “keqtrajtim gjatë ushtrimit të detyrës zyrtare”.

Në një video të publikuar në rrjete sociale nga “Sinjali”, polici shfaqet duke keqtrajtuar një 18-vjeçar në 2018. “Ndreçu mirë, ço krytë”, janë urdhrat Kelmendi ia parashtron  18-vjeçarit, teksa e incizon përgjatë momentit.

Ai shihet në video duke ushtruar dhunë fizike ndaj të riut, i cili sipas “Sinjalit” është dërguar në stacion policor për veprën penale ‘kundërvajtje’.  Përpos denoncimit në IPK, Drejtorinë për Standarde Profesionale dhe në Stacion Policor, viktima e dhunës nuk ia doli ta “dëshmojë” keqtrajtimin e policit, Haris Kelmendi. Mirëpo, rreth dy vjet më pas, krimi i  policit Haris Kelmendi, u provua nga vetë telefoni i tij, i cili ishte sekuestruar dhe më pas u dërgua për ekzaminim në qershor të vitit 2020.