“Nuk të them dot lamtumirë” Elton Deda i pikëlluar për ndarjen nga jeta të Kujtim Prodanit: Do të pres për një birrë

Ndarja nga jeta e kantautorit të njohur Kujtim Prodani ishte një lajm i hidhur për të gjithë.

Artisti u shua në moshën 57-vjeçare pas infektimit nga C OVID19, teksa ishte i shtruar prej ditësh në spitalin “Shefqet Ndroqi.”

Një dedikim prekës ka bërë dhe këngëtari Elton Deda, i cili shkruan se nuk mund ti thotë dot lamtumirë mikut të tij pasi ende nuk e beson lajmin për ndarjen e tij nga jeta.

“Mossss! Pse o vëllai jonë? Cfarë gëzimi kishin bisedat me ty, mirësia jote, zotnillëku jot, qytetari ideal…nuk e besoj dot. Nuk të them dot lamtumirë… por do të të pres për një birrë kur të duash ti”, shprehet Deda në reagimin e tij.