“Mos e kthe në personale” Plas sherri mes analistit dhe Plarent Ndrecës: Rri se e di unë sa ke marrë ti

Një debat i ashpër ndodhi mbrëmë në ekran teksa flitej për betejën elektorale në 12 qarqet e vendit.

Të ftuar në programin “Open” u përplasën analisti i njohur Agron Gjekmarkaj me ish-sekretarin e Ministrisë së Brendshme Plarent Ndreca.

“Rri se unë e di shumë mirë sa vota ke marrë ti, e di shumë mirë sa ke marrë kështu që mos e kthe në personale,” i tha Gjekmarkaj.

“S’po e marr personale fare, i bie që unë të bëj ty bilancin elektoral kjo është ideja?,” iu kthye Ndreca.

Sipas Plarent Ndrecës nga radhët e PD-së si drejtues qarku, figura më e fortë elektorale është Xhelal Mziu në qarkun e Dibrës.

Ndërsa për analistin Agron Gjekmarkaj, figura më e fortë si drejtues qarku në zgjedhjet e 25 prillit në radhët e PD-së është Mark Marku në Lezhë.