LIGJET E BIZNESIT
Aktori Laert Vasili së fundmi ka deklaruar se është pro emigracionit të shqiptarëve.
Kështu ai ka dalë kundër një raporti të dalë nga OECD, i cili ka bërë me dije se është rritur numri i intelektualëve që po largohen nga vendi ynë.
Ai është shprehur se ka parë nënën e tij me tre diploma të shesë fara apo të pastrojë shtëpitë për të rritur fëmijët, por askush nuk ka kërkuar falje në atë kohë, gjatë viteve 90’ për këto largime.
Sipas tij, ajo që po ndodh tani është liria dhe demokracia që shqiptarët kërkuan, ose përndryshe do të duhet të kthehemi në kohën e Enver Hoxhës dhe asnjë të mos dalë nga territori i Shqipërisë.
“Kur kam parë nënën time me 3 diploma të shesë fara te cepi i pallatit apo të ikë jashtë të pastrojë shtëpitë për të rritur fëmijët, nuk pashë as presidentin dhe asnjë të kërkonte falje. Tani papritur na del një raport dhe na thotë “obobo emigrimi, ku vemi”. Nëse doni liri-demokraci dhe lëvizje të lirë, është kjo që po ndodh. Ndryshe kthehemi në kohën e Enver Hoxhës dhe guxo afrohu në kufi po deshe”, tha Vasili.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
