LIGJET E BIZNESIT
“Mendo, ndrysho, fito”, mban kështu titullin seanca e parë e trajnimit të Ermal Mamaqit e cila u mbajt në një kinema në kryeqytet. Në foto duken qindra të rinj teksa dëgjojnë ligjërimin e Mamaqit në sallën e mbushur plot, duke shpërfillur haptazi rregullat e pandemisë.
Për kureshtarët të cilët duan të dinë se për çfarë flitet në seancën e organizuar nga Ermal Mamaqi, mund të lexohet mesazhi që është shfaqur në ekranin e kinemasë.
“Deri në datë 30 janar 2022 unë do të kem në zotërim 50.000 euro të cilat do të vijnë tek unë në shuma të ndryshme herë pas here gjatë kësaj kohe. Në këmbim të këtyre parave unë do të jap shërbimin më efektiv për mua në sasinë dhe cilësinë më të mirë të mundëshme që mund të jepet për këtë shërbim në treg. Besimi im është aq i fortë sa unë mund t’i shoh këto para përpara syve të mi. Unë mund t’i prek ato me duart e mia. Ato janë në pritje të transferimit tek unë në kohën dhe pjesën që përputhet me shërbimin që kam ndërmend të jap si këmbim për to. Unë jam në pritje të një plani me anë të cilit, do t’i grumbulloj këto para dhe do ta ndjek atë plan kur ai të vijë”, shkruhet në ekran.
Kursi u bë i famshëm për shkak të një shume të konsiderueshme e cila duhej paguar për të marrë pjesë dhe ngjalli një mori reagimesh në rrjetet sociale. Edhe kësaj here, fotot dhe videot kanë provokuar shumë komente në rrjete sociale. Kjo, pasi aktiviteti sfidon rregullat elementare të pandemisë, ku grumbullimet dhe muzika në ambjente të tilla janë të ndaluara.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
