LIGJET E BIZNESIT
Një ngjarje e pazakontë është ajo që ka ndodhur së fundmi në SHBA.
E gjithë situata lidhet me pandeminë që tashmë ka pushtuar botën prej më shumë se një viti.
Në këtë rast bëhet fjalë për një burrë shumë të frikësuar për të fluturuar për shkak të virusit.
Ai ka zgjedhur të qëndrojë i fshehur nga 19 tetori deri më 16 janar në një zonë të sigurtë të aeroportit ndërkombëtar të Çikagos.
Sipas prokurorëve amerikanë, personi quhet Aditya Singh, 36 vjeç dhe u arrestua të shtunën pasi stafi i linjës ajrore i ka kërkuar të paraqiste identifikimin e tij.
Ai tregoi një distinktiv, por dyshohet se i përkiste injë menaxheri operacionesh.
Policia tha se Singh arriti në një fluturim nga Los Anxhelos për në Aeroportin Ndërkombëtar O’Hare në 19 Tetor. Ai arriti të jetonte me ato çfarë pasagjerët i kishin dhënë.
Gjyqtarja e Qarkut Cook Susana Ortiz shprehu habinë për rrethanat e çështjes. “Pra, nëse ju kuptoj saktë, ju po më tregoni se një individ i paautorizuar, jo i punësuar, thuhet se po jetonte brenda një pjese të sigurt të terminalit të aeroportit O’Hare nga 19 tetor 2020 deri më 16 janar 2021 dhe nuk u zbulua?”
Singh jeton në një periferi të Los Angeles dhe nuk ka një formim kriminal, sipas Ndihmësit të Mbrojtësit të Publikut Courtney Smallwood. Nuk është e qartë pse ai ishte në Çikago. Ai është akuzuar për shkelje në një zonë të kufizuar të një aeroporti dhe kundërvajtje.
“Gjykata i konsideron këto fakte dhe rrethana mjaft tronditëse për periudhën e pretenduar kohore që ndodhi kjo,” tha gjykatësi Ortiz. Departamenti i Aviacionit të Çikagos, i cili mbikëqyr aeroportet e qytetit, tha në një deklaratë: “Ndërsa ky incident mbetet nën hetim, ne kemi qenë në gjendje të përcaktojmë se ky zotëri nuk përbënte rrezik sigurie për aeroportin ose për publikun që udhëtonte.”
Lajmi ne origjinal:https://timesofindia.indiatimes.com/nri/us-canada-news/indian-american-arrested-for-living-in-chicago-airport-for-3-months-due-to-fear-of-covid/articleshow/80332618.cms
