Degradon ndjesia humane/ Cako: Infektimi i Piperos, dhurata më e bukur që mora për ditëlindje

“Maska dhe larja e duarve nuk të mbron nga Covid-19”. Deklarata vjen nga Alfred Cako, teksa komentoi infektimi i doktor Piperos.

Në lidhje me infektimin e Pëllumb Piperos, 14 ditë pasi kishte marrë dozën e parë të vaksinës, Cako shprehet në “Rrethi Katror”: “E mora vesh lajmin në 27 janar, nuk kishte dhuratë më të bukur. Kjo vërteton se maska nuk të mbron, larja e duarve nuk të mbron, janë pjesë e një plandemie të madhe botërore.

Uroj të shërohet sa më shpejt edhe pse kam antipati të madhe për të. Dyshoj se nuk ka covid dhe do dalë të thotë më mbrojti vaksina. Shumë njerëz nuk e pranojnë dot ndryshimin e ADN-së dhe vdesin. Brezin e ardhshëm mund të lindin krokodila, gra me mjekër”.

Ndërsa sipas Bledi Manes, një arsye pse u infektua mjeku “mund të jetë sepse ka ulur vigjilencën. Ka thënë e mora dozën e parë dhe jam më i mbrojtur”.

Ndërsa Ina Kollçaku vë në dukje rastin e një konspiracionisti në Amerikë i cili humbi jetën nga Covid-19. Ai kishte refuzuar maskën si dhe ekzistencën e virusit. “Megjithatë mund ta kenë vrarë për interesa të tjerë”, thotë Ina.