‘A do marrin shërbime te e-Albania ata që nuk vaksinohen?” Ja si përgjigjet kryeministri Rama

Kryeministri Edi Rama ka deklaruar sot se vaksina anti-C OVID19 nuk do të jetë me detyrim, por është shumë e këshillueshme kryerja e saj.

I pyetur nga gazetarët e pranishëm në konferencë se nëse ata që nuk bëjnë vaksinën do të përjashtohen nga shërbimet në e-Albania, kryeministri e mohoi kategorikisht.

“Vaksina nuk është e detyrueshme dhe nuk ka pasoja të ansjë natyre. Nëse dikush nuk vaksinohet, nuk do ti refuzohen shërbime nga e-Albania. Vaksina është jo me detyrim, gjithkush vendos vet. Dëshiron ta bëjë, s’dëshiron ta bëjë.

Është shumë e këshillueshme. Vaksina është armë ofensive, e imunizon njeriun dhe e asgjëson rrezikun”, tha Rama. Kryeministri thumboi të gjitha ata që nuk besojnë vaksinën, dhe kryetaren e LSI Monika Kryemadhi.

“Por ka njerëz që kanë mendjen e tyre. Ka çuna Facebooku me diplomë fallco dhe i druhen Bill Gates se do u vjedhin sekretet e filxhanit. Ka fallxhore që i besojnë lidhjes direkte me të Plotfuqishmin dhe e konsiderojnë vaksinën lojë të djallit. Ka të tillë. Askush nuk është i detyruar”, shtoi kryeministri.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern