Vijon situata shqetësuese/ Dalin shifrat: Ja sa persona kanë humbur jetën dhe sa të infektuar ka për 24 orë

Me anë të njoftimit të përditshëm zyrtar, edhe ditën e sotme Ministria e Shëndetësisë ka komunikuar shifrat më të fundit përsa i përket situatës së pandemisë në Shqipëri.

Mësohet se në 24 orë janë kryer 1963 testime dhe kanë rezultuar pozitivë 695 qytetarë, numër ky më i ulët se ai që u raportua dje.

Por pavarësisht përpjekjes së mjekëve kanë ndërruar jetë 17 persona, duke e çuar në 922 numrin total të jetëve të humbura.

Fatmirësisht janë shëruar 563 qytetarë në vetëm 24 orë.

C.OVID19/ Ministria e Shëndetësisë: 1963 testime, 563 të shëruar, 695 raste të reja dhe 17 humbje jete në 24 orët e fundit

Ministria e Shëndetësisë dhe Mbrojtjes Sociale u bën apel qytetarëve të mos e ulin vigjilencën për respektimin e rregullave dhe të shmangin daljet e panevojshme, për të ndihmuar në ndërprerjen e zinxhirit të infeksionit dhe për të ulur numrin e të prekurve nga virusi SARS-COV2.

Në 24 orët e fundit paraqitet si vijon janë kryer 1.963 dhe kanë rezultuar pozitivë 695 qytetarë. Rastet pozitive të konfirmuara janë identifikuar në këto bashki:

281 raste në Tiranë, 65 në Elbasan, 59 në Fier, 51 në Lushnje, 36 në Lezhë, 35 në Durrës, 32 në Gjirokastër, 23 raste në Përmet, 18 në Pukë, 15 në Korçë, nga 12 raste në Vlorë, Berat, 9 në Mat, nga 6 raste në Has, Mallakastër, nga 5 raste në Krujë, Kukës, Delvinë, nga 4 raste në Dibër, Malësi e Madhe, nga 3 raste në Devoll, Gramsh, Kuçovë, nga 1 rast në Shkodër, Tepelenë, Kolonjë.

Në 24 orët e fundit janë shëruar 563 qytetarë, duke e çuar numrin e të shëruarve 22.180 që nga fillimi i epidemisë.

Aktualisht në 4 spitalet C.OVID, po trajtohen 463 pacientë, 37 në terapi intensive, 9 pacientë janë të intubuar.

Me gjithë përpjekjet e mjekëve, në 24 orët e fundit, kanë humbur jetën 17 qytetarë me Sars-Cov2 pozitiv në spitalet C.OVID:

5 qytetarë nga Tirana, 2 qytetar nga Elbasani, 2 qytetar nga Përmeti, 2 qytetare nga Fieri, 1 qytetar nga Shkodra, 1 qytetar nga Prrenjasi, 1 qytetar nga Lushnja, 1 qytetar nga Gjirokastra, 1 qytetar nga Kavaja, 1 qytetar nga Shijaku, të moshave 58-79 vjeç.

Ministria e Shëndetësisë dhe Mbrojtjes Sociale i shpreh ngushëllime familjarëve të të ndjerëve.

MSHMS u drejtohet qytetarëve të mos neglizhojnë kontaktin me mjekun e familjes, për çdo shenjë të sëmundjes. Nëpërmjet linjës së gjelbër falas 0800 40 40 mund të lidheni me mjekun e familjes dhe të merrni informacionin e nevojshëm edhe për rimbursimin e barnave për C.OVID19.

Urgjenca Kombëtare është 24/7 në shërbim të qytetarëve. Telefononi 127 nëse dyshoni se jeni të prekur nga C.ovid19 dhe për çdo urgjencë mjekësore.

C.OVID-19 – Statistika (07 Dhjetor 2020)

Raste të reja ditore         695

Të shëruar ne 24 orë      563

Të shtruar në spitale      463

Humbje jete në 24 orë   17

Testime ditore              1.963

Testime totale           205.971

Raste pozitive            43.683

Raste të shëruara       22.180

Raste Aktive             20.581

Humbje jete              922

Shpërndarja gjeografike e rasteve aktive sipas qarqeve:

Tiranë 11041

Fier                  1612

Durrës             1349

Korçë  1122

Vlorë  1037

Shkodër            903

Elbasan            872

Lezhë  740

Berat  701

Gjirokastër  518

Kukës  434

Dibër  252