LIGJET E BIZNESIT
Katër muaj pas zgjedhjeve, ndryshime të papritura vinë nga qeveria Rama.
Gent Cakaj nuk do të jetë më ministër i Jashtëm, dhe do të zëvendësohet nga Olta Xhaçka.
Ndërkohë që vendin e ministres aktuale të Mbrojtjes e ka zënë Niko Peleshi, i cili rikthehet pas gati 4 vitesh në qeveri, ku më parë ka mbajtur postin e zv.kryeministrit.
Lajmin e ka bërë të ditur kryeministri Rama.
“Pas një periudhe intensive pune në kryesimin e OSBE si edhe punës së madhe me përkushtim e profesionalizëm të Gent Cakajt si ministër në detyrë, ky është momenti për t’ia kaluar bashkarisht stafetën Olta Xhaçkës që të kryejë detyrën e ministres për Europën dhe Punët e Jashtme. Dua ta falenderoj me mirënjohje Gentin jo vetëm për dinjitetin në kryerjen e detyrës së derisotme, po edhe për gatishmërinë e plotë për të vijuar përpjekjen e përbashkët, duke u rikthyer në kabinetin e kryeministrit. Ndërkohë Niko Peleshi do të drejtojë ministrinë e mbrojtjes.”, shkroi ai në një postim gjatë mesditës së sotme në rrjetet sociale.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
