LIGJET E BIZNESIT
Pas vrasjes së të riut Klodian Rasha nga një efektiv policie tre ditë më parë, një denoncim i fortë vjen nga politikani dhe juristi Kreshnik Spahiu.
Ky i fundit shprehet se nga burime konfidenciale ka mësuar se polici që vrau 25-vjeçarin Klodian Rasha, Nevaldo Hajdaraj kishte konsumuar lëndë narkotike të llojit kokainë gjatë detyrës.
Ai shtoi se polici ka qenë nën efektin e kokainës teksa e ka dhunuar, rrahur dhe më pas e ka qëlluar pas shpine të riun Rasha pranë banesës së tij në Tiranë.
Spahiu deklaron se ky fakt është fshehur qëllimisht për të shmangur një skandal në nivelet shtetërore.
Gjithashtu ai i bën thirrje Prokurorisë që polici ti nënshtrohet testit të drogës.
DENONCIMI I PLOTE I KRESHNIK SPAHIUT
Polici që vrau Klodian Rashën duhet ti nënshstrohet “testit të drogës”.
Nga informacione kofidenciale autori i krimit ka qënë duke konsumuar lëndë narkotoke gjatë kryerjes shërbimit policor.
Gjatë kryerjes së vrasjes polici ka qenë nën efektet e kokainës dhe ka kapërcyer çdo limit në pordorimin e armës duke e goditur, rrahur dhe duke e qëlluat pas shpine me plumb.
Ky fakt është fshehur qëllimisht për të shmangur një skandal në nivelet shtetrore.
Prokuroria duhet menjëherë të kryej testin dhe të denoncoj publikisht faktin e papranushësm që policia e shtetit konsumon lëndë narkotike.
Informacioni është kofidencial dhe i provuar në dy burime.
Me pak fjalë policia bëhet “DRU” në krye të detyrës!
