“Policia vret” Plas dhe në Korçë, të rinjtë protestë për Klodian Rashën. Plagoset një efektiv, sulmohet Bashkia

Një ditë pas protestës në Tiranë, dhjetra qytetarë janë mbledhur sot në Korçë me pankarta në duar.

“Policia vret”, “Qeveri e vrasjes”, kanë qenë thirrjet e tyre në shenjë revolte për vrasjen e të riut Klodian Rasha nga një efektiv policie.

Protestuesit kanë nisur të qëllojnë godinën e Bashkisë së qytetit me gurë dhe mjete të forta.

Ata kanë djegur dhe pemët dekorative të vendosura me rastin e festave të fundvitit.

Gjithashtu mësohet se gjatë përplasjeve ka mbetur i plagosur një polic.