Durrësi nën ujë/ Bie shi vetëm për pak minuta, por shikoni pasojat në qytetin bregdetar (VIDEO)

Si pasojë e reshjeve të shiut që zgjatën vetëm pak minuta, pasditen e sotme në Durrës janë përmbytur zonat më problematike.

Mësohet se në rrugët rreth stadiumit, zona e tregut industrial, në hyrje të qytetit dhe pranë stacionit të trenit janë përmbytur nga uji dhe kjo gjë ka shkaktuar vështirësi në qarkullim.

Sipas banorëve edhe pse rrugët dhe kanalizimet janë bërë të reja kjo gjë nuk ka sjellë asnjë ndryshim.

Situata paraqitet ende kaotike dhe trafiku tejet i rënduar.

Durrësi mbetet një ndër qytetet më të prekur nga pasojat e motit të keq, ku problemet me kanalizimet vijojnë dhe ende nuk ka një ndërhyrje nga ana e autoriteteve për të rregulluar situatën me anë të një zgjidhjeje të duhur.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern