LIGJET E BIZNESIT
Komiteti Teknik i Ekspertëve dhe ministria e Shëndetësisë prej 9 muajsh tashmë predikojnë për masat anti-C OVID19, ku disa prej tyre janë: mbajtja e maskës me detyrim në ambientet e hapura, distancimi social dhe ruajtja e higjenës.
Gjithashtu ndalohen dhe tubimet apo takimet me më shumë se 10 veta.
Ndërsa nga ana tjetër Policia e Shtetit njofton përditë gjobat që vë për qindra qytetarë që kapen në rrugë pa maskë apo përtej asaj që konsiderohet ora policore.
Foto e mëposhtme tregon zv.ministren e Shëndetësisë, Mira Rakacolli, e cila kryeson grupin e ekspertëve apo Komitetin Teknik. Rakacolli shfaqet duke ecur në rrugë pa maskë. Ajo po ecën në një prej rrugëve të Tiranës, bashkë me një zonjë tjetër, ndërsa tërheq vëmendjen fakti se numri një i Komitetit Teknik nuk mban maskë, atë për të cilën trumpetohet prej muajsh.
Nuk dihet sepse Rakacolli nuk zbaton vendimin që trumpeton vetë, por duket se në rastin konkret shkon për shtat shprehja “mos bëni si bëj unë, por bëni si them unë”.
