“Ishte një vagabond” Gazetari i njohur ‘shpërthen’ ndaj Fatos Nanos: E ka shkatërruar Shqipërinë

Gazetari i njohur Shpëtim Nazarko ka shpërthyer në akuza ndaj ish-kryeministrit Fatos Nano, duke e quajtur ndër të tjera dhe “vagabond”.

Në programin “Real Story” Nazarko u shpreh se Nano e shkatërroi Shqipërinë dhe se e keqja më e madhe nis në kohën e tij.

“Qeveria më e mirë e këtyre 30 viteve ka qenë kur u përzien të majtë e të djathtë, kur ishte Ceka ministër i Brendshëm, Milo, Lakrori, etj. Nano bëri diçka shumë të keqe, që ka pllakosur dhe sot shoqërinë shqiptare, modeli që krijoi me drejtorët.

Atë ditë që janë shkarkuar 4 ose 5 ministra, kur iku dhe Ceka, filloi e keqja e madhe e Shqipërisë që vijon edhe sot, me ato drejtorët dhe ministri ishte një hiç.

E keqja më e madhe është se te të gjithë është perceptuar fryma liberale e Nanos. Për mua është një vagabond politik, që ka shkatërruar Shqipërinë më shumë nga çfarë e mendojmë ne, se ka sjellë këtë frymë që kemi edhe sot”, tha Nazarko.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern