Ekzekutohet balerina/ Dyshohet se ishte në një lidhje sekrete me një deputet dhe biznesmen shumë të pasur

Një ngjarje e rëndë ka ndodhur së fundmi në kryeqytetin e Rusisë, Moskë.

Mësohet se një balerinë është qëlluar për vdekje, pasi dyshohet se kishte lidhje sekrete me një burrë i cili raportohet të jetë politikan.

Viktima quhet Natalia Pronina, 30 vjeç

Ajo u qëllua nga një person i maskuar, i cili e ekzekutoi me pistoletë nga një distancë e afërt.

Balerina ruse u vra kur po kthehej në shtëpi pas provave dhe thuhet se agresori hodhi një granatë më parë, në mënyrë që të largonte vëmendjen nga të shtënat.

Burimet e policisë thanë për mediat e huaja se dyshohet se krimi është kryer nga një vrasës me pagesë.

Policët po hetojnë disa pretendime se ajo kishte qenë në një lidhje afatgjatë, por sekrete me një burrë të pasur, që besohet të jetë një deputet, i cili stërvitej në arte marciale.