LIGJET E BIZNESIT
Ish-pedagogia në Universitetin e Vlorës, Dafina Brokaj ka ndërruar jetë pas infektimit me koronavirus.
Sipas informacioneve për mediat, ajo ishte e shtruar prej 10 ditësh në një prej spitaleve Covid në Tiranë, por nuk ka arritur që të mbijetojë dot.
Brokaj ka qenë pedagoge, ish-drejtoreshë e qytezës Studenti në Vlorë, si dhe kishte punuar në disa shkolla jopublike.
“Një Lamtumirë e dhimbshme për mësuesen e veçantë, miken time të përhershme dhe kolegen energjike, për Dafinën (emrin jo kollaj guxoja t’ia thosha kur e takoja; madje guximi më mungonte. Mbete mësuesja ime, Dafina Brokaj!)
Dhembjen dhe hidhërimin e sinqertë për ikjen tënde do ta shkruaj si mesazh force, energjie, kurajoje, këshille, bashkëpunimi, mirëkuptimi, nxitjeje, besimi, respekti, dashurie.
Ti ishe në çdo gjë prej këtyre.
Lamtumirë, mësuesja ime!
Të qoftë dheu i lehtë!
Do të mbetesh e paharruar!” shkruan një nga mikeshat e saj.
