“E shtëna e parë duhej të ishte..” Artan Hoxha tregon ku gaboi polici që qëlloi për vdekje 25-vjeçarin

Gazetari Artan Hoxha thotë se në rastin e 25-vjeçarit Klodian Rasha përdorimi i armës nga ana e policisë mund të ishte evituar.

I ftuar në emisionin “Opinion”, Hoxha tha se sipas ligjit  në rastet e përdorimit të armës, e shtëna e parë duhet të jetë në ajër dhe paralajmëruese e nëse është e nevojshme e shtëna tjetër duhet të jetë në gjymtyrë.

“E shtëna e para është në ajër paralajmëruese, e shtëna e dytë në gjymtyrë”, tha Hoxha duke shtuar se policia jonë nuk e ka traditë përdorimin e armës.

Ndërkohë duke bërë krahasimin e rastit kur një efektiv policie qëlloi mbi Orges Bilbilin më 10 Prill, pikërisht për faktin se nuk i ndaloi policisë, Hoxha tha: “Orges Bilbli nuk u godit në organet jetësore. Në këtë rast u neutralizua një person i rrezikshëm, ndërsa në rastin konkret, deri tani rezulton që përdorimi i armës mund të ishte evituar”.