E papritur/ Sazan Guri shtrohet në spital, ja çfarë i ka ndodhur ambientalistit ditën e ditëlindjes

Ambientalisti i njohur Sazan Guri duket se po kalon ditë të vështira për shkak të gjendjes së tij jo të mirë shëndetësore.

Ai është shtruar në spital si pasojë e një ndërhyrjeje kirurgjikale që ka bërë në zemër.

Por njëkohësisht për të sot është një ditë speciale pasi feston 64-vjetorin e lindjes.

Kjo festë e ka gjetur në ambientet e spitalit dhe Guri teksa njofton se e ka kaluar me sukses operacionin, zbulon dhe surprizën e veçantë që i bëri në mesnatë stafi mjekësor.

‘Jo fort e këndshme, por e rrallë, ku dy infermierët e natës mezi pritën sekondat e para të ditëlindjes për të më uruar 64 vjetorin, dhe unë siç ndava hidhërimin me ju miq të vërtetë të FB po ndaj edhe gëzimin e ditëlindjes dhe atë të daljes mirë nga ndërhyrja në zemër’- shkruan Guri.