Çfarë po ndodh? Të shtëna armësh në mes të qytetit, policia niset menjëherë drejt vendngjarjes

Të shtëna me armë zjarri janë regjistruar paraditen e sotme në Korçë. Ngjarja ka ndodhur në lagjen 17 të qytetit, e njohur si lagja e “Radanecit”.

Sipas të dhënave paraprake, autori i dyshuar ka qëlluar 5 herë në ajër dhe është larguar nga vendngjarja. Policia ka shkuar menjëherë pa sinjalizimit dhe ka gjetur 5 gëzhoja.

Banorët e lagjes kanë thirrur Policinë, e cila ka ngritur grupet e punës dhe është vënë në ndjekje të autorit të dyshuar.