Çfarë po ndodh? Pas Kroacisë dhe Italisë, një tjetër tërmet bie në Greqi

Mëngjesin e sotëm në Greqi është shënuar një tjetër tërmet me magnitudë 4.2 i shkallës Rihter.

Lëkundja që u regjistrua orët e para të ditës, vjen si pasojë e disa të tjerave që janë ndjerë prej disa ditësh në vende të ndryshme të rajonit.

Tërmeti u ndje rreth orës 02:39 në veriperëndim të Aegio, dhe nuk raportohet të ketë shkaktuar dëme të mëdha.

Sipas Institutit Gjeodinamik të Observatorit Kombëtar të Athinës tërmeti kishte një thellësi prej 9.7 km, ndërsa epiqendra ishte 16 km në veriperëndim të Aigios dhe është ndjerë në zonat e Akaisë dhe Etoloakarnanisë.

Kujtojmë se ky tërmet vjen pas dy lëkundjeve të fuqishme që janë ndjerë në harkun kohor të tre ditëve në Kroaci, ku dje qe edhe tërmeti me forcën më të madhe, 6.4 të shkallës rihter, i cili shkaktoi 7 të vdêkur derimë tani, dhe qindra të tjerë që kanë mbetur të pastrehë.