Çfarë po ndodh në Vlorë? Policia aksion të befasishëm, deri tani mbi 20 të arrestuar

Një operacion i madh anti-drogë po zhvillohet në këto momente në Vlorë.

Mësohet se deri më tani janë arrestuar mbi 20 persona, ndërsa aksioni i policisë vijon ende-

Sipas informacioneve ai është përqendruar kryesisht në zonën e “Lumit të Vlorës” dhe në qytetin bregdetar.

Të arrestuarit janë mbajtur prej kohësh në mbikqyrje nga uniformat blu dhe sot është vendosur që operacioni të kryhet.

Sasi të caktuara droge, e dyshuar kanabis, janë seskuestruar nga Policia.

Ndërkohë operacioni vijon ende në kontrollin e disa bazave dhe banesave në të cilat policia dyshon se mund të gjejë elementë që ndihmojnë hetimin.