A do të bëhet me detyrim? Rama jep lajmin e rëndësishëm për vaksinën anti-C.OVID19

Në konferencën për shtyp që po mban në këto momente, kryeministri Edi Rama ka bërë me dije se vaksina anti C OVID19 që do të vijë në Shqipëri, do të jetë falas për të gjithë.

Por pavarësisht kësaj, kreu i qeverisë ka njoftuar se nuk do të jetë me detyrim.

Por Rama apeloi që të gjithë ta bëjnë atë kur të mbërrijë në vendin tonë.

“Mbani parasysh se kemi një front jashtëzakonisht sfidues me armikun e padukshëm dhe do të na duhet të financojmë vazhdimisht për vaksinimin. Nuk do të jetë e detyrueshme që qytetarët të vaksinohen. Vaksina do të jetë falas, por nuk do të jetë e detyrueshme. Unë do të doja që çda qytetar të vaksinohet”, u shpreh Rama, teksa foli dhe për buxhetin e 2021.