Tronditëse/ Gjendet i pajetë në banesë një 35-vjeçar, dyshohet se ka vrarë veten me pistoletë

Një ngjarje tronditëse ka ndodhur këtë pasdite në Durrës.

Mësohet se një 35-vjeçar është gjendur i pajetë në banesën e tij.

Sipas policisë dyshohet se i riu është vetëvrarë me armë zjarri të tipit pistoletë, pasi nga kqyrja paraprake e trupit, nuk janë konstatuar shenja dhune ose dëmtime të tjera përveç asaj të shkaktuar nga arma e zjarrit.

“Mbrëmjen e sotme, në orën 18:05, në lagjen nr.16, Durrës, është gjetur në banesë, dyshohet i vetvrarë me armë zjarri (pistoletë), shtetasi S. A., rreth 35 vjeç.

Nga kqyrja paraprake e trupit, nuk janë konstatuar shenja dhune ose dëmtime të tjera, përveç asaj të shkaktuar nga arma e zjarrit.

Grupi hetimor nën drejtimin e Prokurorisë po punon për dokumentimin e plotë të shkakut dhe rrethanave të ngjarjes”, thuhet në njoftimin zyrtar të uniformave blu.