Pas hyrjes në Shtëpinë e Bardhë, zbulohet vendimi urgjent që Joe Biden do të marrë si President

Kandidati demokrat Joe Biden u shpall fitues përballë rivalit të tij republikan Donald Trump në zgjedhjet elektorale të SHBA.

Ai do të jetë presidenti i 46-të i këtij shteti, dhe pritet të shkojë në Shtëpinë e Bardhë në janar 2021.

Ndërkohë më parë ai pritet që të ngrejë një task-forcë me 12 anëtarë  për të menaxhuar pandeminë e koronavirusit.

Duke qenë se janë vendi më i prekur, me shifra rekord të infektuarish dhe viktimash që i kalojnë 240 mijë, Biden do të vendosë që amerikanët të mbajnë maskën me detyrim.

Disa vendime të tjera që Joe Biden do të marrë gjithashtu, sipas mediave amerikane janë:

– Biden do të bashkohet me marrëveshjen e Parisit për klimën, nga e cila SHBA u largua zyrtarisht të Mërkurën;

– Ai do të ndryshojë vendimin për t’u tërhequr nga Organizata Botërore e Shëndetësisë;

– Ai do t’i japë fund ndalimit të udhëtimit për shtetas nga shtatë vende kryesisht myslimane;

– Do të rivendosë një politikë të epokës së Obamës për dhënien e statusit të imigracionit migrantëve pa dokumenta që hynë në SH.B.A. si fëmijë.