“Nuk ka efekt, spitalet të mos e përdorin më këtë medikament”, OBSH bën thirrjen e papritur

Organizata Botërore e Shëndetësisë (OBSH) u ka bërë thirrje institucioneve shëndetësore që të mos e përdorin më ilaçin antiviral Remdesivir për të trajtuar pacientët me CO VID-19.

Sipas tyre, ky ilaç nuk ka ndonjë efekt domethënës në kurimin e pacientëve me koronavirus.

Gjatë ditës së sotme, Grupi i Zhvillimit të Udhëzimeve të OBSH-së (GDG) deklaroi se nuk kishte “asnjë provë të bazuar në të dhënat aktuale në dispozicion që ky ilaç përmirëson gjendjen e pacientit”.

Vende nga e gjithë bota e kanë përdorur këtë ilaç anti-viral që prodhohet nga Gilead Sciences. Fillimisht u raportua se ilaçi mund të shkurtonte kohën e shërimit të pacientëve të infektuar, por tashmë kanë rënë poshtë këto pretendime.

Gjatë infektimit me koronavirus edhe Presidenti amerikan, Donald Trump u trajtua me Remdesivir.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Pas studimeve u zbulua se Remdesiviri nuk kishte asnjë efekt të rëndësishëm në kohën e shërimit të pacientëve.