“Një person po lëviz me armë” Banorët e Vlorës njoftojnë të alarmuar policinë. Ja kush u arrestua

Policia ka arrestuar një 24-vjeçar në Vlorë, pasi po qarkullonte me armë zjarri nëpër qytet.

Kanë qenë banorët të cilët sapo e kanë parë të riun, kanë njoftuar të alarmuar uniformat blu.

“Bazuar dhe në informacionet e marra në rrugë operative, se në lagjen “Uji i Ftohtë”, Vlorë po lëvizte një person i armatosur, është organizuar puna, dhe si rezultat i ndërhyrjes profesionale  nga ana e shërbimeve të Sektorit për Hetimin e Krimeve Vlorë në bashkëpunim me Forcën Operacionale në DVP Vlorë dhe forcën e posaçme “Shqiponjat”, u bë e mundur kapja dhe arrestimi në flagrancë i shtetasit F. A., 24 vjeç, banues në Vlorë”, thuhet në në njoftimin e policisë.

Ky shtetas qarkullonte me automjetin e tij të markës Audi dhe gjatë kontrollit fizik , shërbimet e Policisë i gjetën në trup (në brez) një armë zjarri pistoletë, me 1 krehër me 5 fishekë.

Materialet procedurale iu dërguan Prokurorisë pranë Gjykatës së Shkallës së Parë të Rrethit  Gjyqësor Vlorë, për veprën penale ”Armëmbajtja pa leje”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern