Lajm i fundit/ Gjendet i mbytur në pus një person

Është mbytur në pus një i moshuar në fshatin Barç në Korçë, i cili dyshohet se vuante nga skleroza dhe ishte larguar nga banesa një ditë më parë. Personi që është gjetur i mbytur në pus është identifikuar si Hekuran Dapellari.

“Më datë 15.11.2020, rreth orës 08:00, në fshatin Barç, është gjetur i mbytur në një pus uji shtetasi H. D., rreth 89 vjeç, banues në këtë fshat.

Nga të dhënat e para dhe deklarimet e marra familjarëve, rezulton se ky shtetas vuante nga skleroza dhe se ishte larguar një ditë më parë, nga banesa e tij.

Grupi​ hetimor po punon për sqarimin e rrethanave të ngjarjes”, njofton Policia e Korçës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern