“Kam një vit që nuk pranoj rrogë” Deputeti i opozitës së re tregon arsyen: Ja pse kam hyrë në parlament

Deputeti i opozitës së re në Kuvend Erion Piciri ka deklaruar se nuk e merr rrogën prej një viti.

I ftuar në “Report Tv” ai tha se ka hyrë në parlament për të thënë që politika mund të bëhet dhe ndryshe.

“Nuk pranoj gati prej një viti rrogën. Nëse do i fusja lekët në xhep do fillonin spekulimet. Unë hyra në  parlament për të komunikuar për të thënë që politika bëhet edhe ndryshe”, tha Piciri i dalë nga listat e Partisë Demokratike.

Për sa i përket zgjedhjeve të 25 prillit, ai u shpreh se nuk do të kandidojë, por do të bëjë fushatë kundër partive të mëdha.

“Po shoh qe po krijohen parti thuajse çdo ditë. Nëse  bashkohen të gjithë dhe të kenë kandidatin e tyre kryeministror kanë mundësi të kenë një shans. Partitë e vogla kështu siç janë të thërrmuara nuk kanë për të arritur asgjë.  Do jem pjesë e fushatës elektorale, është projekt individual kundër një estabilishmenti të krijuar”, u shpreh deputeti.