LIGJET E BIZNESIT
Gjatë kësaj jave që po lamë pas, Covid-19 nuk kurseu as krerët më të lartë të besimeve fetare në vend. Kryepeshkopi Janullatos sapo u konfirmua pozitiv, u dërgua me avion ushtarak në Greqi, kurse Imzot George Frendo u dërgua me charter në Bari, Itali.
Për këtë, gazetari Artan Hoxha shkruan se dy të mësipërmit kanë përkatësisht njëri shtetësi greke e italiane, e nënshtetësi shqiptare. Duke ironizuar, ai shkruan se Baba Mondi i cili ka vetëm pasaportë shqiptare në rast se infektohet, shteti për të mund të ndezi vetëm një qiri në Malin e Tomorrit.
“Nuk eshte ashtu si duket, thjesht çeshtje standarti… Kreu i Kishes Autoqefale Shqiptare, Hiresia e tij, Janullatos, qytetar grek, njeherazi me shtetesi shqiptare, infektohet me Covid-19 dhe e nisin urgjent me avion spital te Ushtrise Greke drejt Athines…
Shkelqesia e Tij, Imzot George Frendo O.P., Arqipeshkëvi i Tiranë-Durrësit dhe njëkohësisht Presidenti i Konferences Ipeshkvore të Shqipërisë, qytetar italian, njeherazi me shtetesi shqiptare, infektohet me Covid-19 dhe e nisin me avion çarter drejt Barit, për t’u shtruar në Spitalin Miuli të “Acquaviva delle Fonti”…
Kryegjyshi Boteror i Bektashinjve, Haxhi Dede Baba Edmond Brahimaj, qe ka vetem pasaporten shqiptare, i dhuron ndihma policise per te perballuar Covid-19. Baba, mundohu te mos infektohesh, se maksimumi qe mund te beje shteti yne per ty, eshte te ndezi nje qiri te Tyrbja e Abaz Aliut ne Malin e Tomorrit, ose te ofrojne tamponin pa leke, te klinika e Doktor Piperos…”, shkruan gazetari Artan Hoxha./Newsbomb
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
