‘Furtunë’ në Policinë e Shtetit/ Ja kush janë 3 drejtorët e rëndësishëm që do të transferohen (EMRAT)

Së fundmi drejtori i Përgjithshëm i Policisë së Shtetit Ardi Veliu ka vendosur të bëjë ndryshime në disa prej drejtorive lokale në vend.

Mësohet se kanë lëvizur nga pozicionet e tyre të paktën 3 drejtorë policie.

Kështu, mësohet se drejtori i Drejtorisë Vendore të Policisë Elbasan, Arjan Muça, transferohet në Drejtorinë e Përgjithshme të Policisë së Shtetit dhe në vend të tij emërohet zëvendësdrejtori i kësaj drejtorie, Alket Shatro.

Drejtori i Drejtorisë Vendore të Kukësit, Erigert Mitri, transferohet në Drejtorinë e Përgjithshme të Policisë së Shtetit dhe në vend të tij emërohet, Alban Çela.

Gjithashtu, drejtori i Drejtorisë Vendore të Policisë Dibër, Skënder Kalemi, transferohet në Drejtorinë e Përgjithshme të Policisë së Shtetit dhe në vend të tij emërohet zëvendësdrejtori i Vlorës, Artur Selimi.