E rëndë në Berat/ Tenton të vrasë me armë zjarri kushëririn, arrestohet 35-vjeçari

Një ngjarje e rëndë ka ndodhur paraditen e sotme në Berat.

Sipas informacioneve një 35-vjeçar ka rënë në prangat e policisë, pasi ka tentuar të vrasë kushëririn e tij.

Mësohet se shtetasi me iniciale K.S ka tentuar ti marrë jetën kushëririt të tij Sh.S, 51 vjeç, banues në Karkanjoz, Berat, pas një konflikti të çastit në banesë.

Ndërkohë policia bën me dije se ka sekuestruar armën e zjarrit tip kallashnikov me 16 fishekë në krehër.

NJOFTIMI ZYRTAR I POLICISE

Tentoi të vriste me armë zjarri kushëririn e tij, pas një konflikti të çastit në banesë, ndërhyrja në kohë e Policisë parandaloi ngjarjen.

Policia arrestoi në flagrancë autorin e ngjarjes.

Gjithashtu, shërbimet e Policisë sekuestruan armën e zjarrit tip kallashnikov me 16 fishekë në krehër.

Policia e Beratit, sapo ka marrë njoftim se në fshatin Karkanjoz, Berat, po ndodhte një konflikt mes dy shtetasve, menjëherë ka shkuar në adresën e dhënë.

Falë reagimit në kohë, shërbimet e Policisë kanë parandaluar përshkallëzimin e mëtejshëm të konfliktit që do kishte pasoja të rënda për jetën, pasi shtetasi K. S., 35 vjeç, ka tentuar të vrasë me armë zjarri kushëririn e tij, shtetasin Sh. S., 51 vjeç, banues në Karkanjoz, Berat.

Shërbimet e Policisë kanë rrethuar banesën e autorit dhe falë ndërhyrjeve të shpejta e kanë kapur dhe arrestuar atë në flagrancë.

Gjithashtu, shërbimet e Policisë kanë sekuestruar armën e zjarrit tip kallashnikov me 16 fishekë në krehër.

Materialet do t’i kalojnë Prokurorisë, për veprime të mëtejshme procedurale.