LIGJET E BIZNESIT
Ditën e sotme deputetja Mimi Kodheli është zgjedhur zv.presidente e Asamblesë Parlamentare të NATO-s.
Vendimi është marrë gjatë mbledhjes plenare të sesionit të 66-të vjetor, ku i pranishëm ka qenë dhe Sekretari i Përgjithshëm i NATO, Jens Stolenberg.
Aktualisht Kodheli është kryetare e Komisionit Parlamentar për Politikën e Jashtme dhe Kryetare e Delegacionit parlamentar shqiptar ne Asamblene NATO dhe është bërë e para shqiptare që zgjidhet në një një pozicion të tillë të një organizate ndërkombëtare.
Ajo ka publikuar dhe vetë një foto në rrjetet sociale në lidhje me vendimin që u mor gjatë mbledhjes së sotme.
Mimi Kodheli është Doktorante e Shkencave Ekonomike prej vitit 2007. Ka një Master në Administrim Biznesi nga Universiteti i Lincoln, Nebraska, SHBA, në bashkëpunim me Universitetin e Tiranës prej vitit 2000, si dhe është diplomuar në Universitetin e Tiranës, Fakulteti Ekonomik, Dega Financë në vitin 1986.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Mimi Kodheli ka hyrë në politikë në vitin 2002, kur edhe u bë Nënkryetare e Bashkisë së Tiranës. Në vitin 2005, ajo u emërua Prefekte e Qarkut të Tiranës dhe në vitin 2009 u zgjodh Deputete e Kuvendit të Shqipërisë, duke mbajtur pozicionin e Nënkryetares së Komisionit të Ekonomisë dhe Financës përgjatë gjithë legjislaturës. Që prej vitit 2007 e në vazhdim është Anëtare e Kryesisë së Partisë Socialiste.
Ajo ka marrë pjesë në një program të Departamentit Amerikan të Shtetit, të titulluar “Gratë në Politikë” si dhe atë të titulluar “Politikat e Sigurisë Kombëtare” nga Qendra Evropiane e Sigurisë, Marshall. Mimi Kodheli në vitin 2013 zgjidhet Ministre e Mbrojtjes e Shqipërisë.
