Del FOTO/ U tha që ishtë shqiptar, ky është autori i dyshuar i sulmit në Vienë

Del foto e njërit prej autorëve të dyshuar të sulmit terrorist që tronditi dje Austrinë.

Ai quhet Kujtim F. dhe është me origjinë nga Maqedonia e Veriut, por mbante dhe pasaportë austriake.

Sipas mediave vendase, 20 vjeçari ka qenë i dënuar më parë dhe kishte precedent penal.

I riu që shfaqet në foto i armatosur, me kallashnikov, pistoletë dhe hanxhar, është liruar në 2019 nga burgu me kusht.

Ai bënte pjesë në grupin e austriakëve të radikalizuar që ka tentuar të shkojë në Siri për luftë. Për këtë ai u dënua me 22 muaj burg në prill 2019. Edhe një nga autorët e tjerë të sulmit terrorist që përgjaku dje Vjenën duke u marrë jetën 3 banorëve të saj, dhe la të plagosur 15 të tjerë, është nga Maqedonia e Veriut, me origjinë shqiptare.

“Kam zbuluar disa detaje rreth terroristit. Emri i tij është Kurtin S., i lindur në 2000, ishte 20 vjeç, u lind dhe u rrit në Vjenë dhe ka rrënjë shqiptare. Prindërit e tij vijnë nga Maqedonia e Veriut dhe nuk bien në sy kur bëhet fjalë për Islamizmin”, shkroi më herët Sipas kryeredaktorit të gazetës javore vjeneze Falter, Florian Klenk.

Sipas mediave austriake, Kujtim F. iu betua një besnikëri kreut të ri të milicisë terroriste të ISIS, Abu Ibrahim al-Hashimi al-Quraishi, pak para akteve të përgjakshme.