LIGJET E BIZNESIT
Një shkencëtar nga Irani i cili konsiderohet si “koka” e programit bërthamor u ekzekutua gjatë një atentati në mes të Teheranit nga një grup i armatosur.
Ai është Mohsen Fakhrizadeh dhe po udhëtonte me makinë, kur grupi i sulmuesve që u kishte zënë pritë në Absarad hapi zjarr.
Sipas dëshmitarëve më herët është dëgjuar dhe një shpërthim.
Përpjekjet për ta mbajtur të sigurt Fakhrizadeh dështuan dhe në sulm u plagos dhe truproja e tij. Ende nuk është e qartë se kush janë autorët e këtij sulmi.
Ministria iraniane e Mbrojtjes konfirmoi përmes një deklarate vdekjen e Fakhrizadeh. “Përgjatë një përleshje mes ekipit të sigurisë dhe terroristëve Mohsen Fakhrizadeh mbeti i plagosur rëndë dhe u dërgua në spital. Fatkeqësisht për shkak të plagëve të marra mjekët nuk mundën ta mbanin në jetë dhe ai ndërroi jetë disa minuta më vonë”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Emri i Fakhrizadeh ishte përmendur disa vite më parë gjatë një deklarate publike dhe nga kryeministri izraelit Benjamin Netanyahu. “Mbajeni mend këtë emër, Mohsen Fakhrizadeh. Është drejtori i programit bërthamor të Iranit”, do të thoshte Netanyahu, më 2018.
Për këtë ngjarje u pyet dhe ushtria izaelite, por ajo reagoi duke thënë se nuk i komenton lajmet e mediave të huaja.
