Çfarë do të ndodhë me transportin publik? Vjen paralajmërimi i rradhës: Kemi humbje të mëdha

Pas rikthimit të masave shtrënguese si qëllim shmangien e përhapjes së virusit, subjekte të ndryshme private dhe shtetërore janë vënë në vështirësi.

Të parët që i kanë ndjerë më shumë kufizimet, janë padyshim linjat urbane të transportit publik që operojnë në Tiranë.

Përfaqësuesit e tyre shprehen se vendosja e këtyre masave ka sjellë dhe kufizim të orarëve me të cilat operojnë, një humbje nga kapaciteti i punës me tre orë dhe kjo sipas tyre është një kosto që i shtohet edhe më tej humbjes së madhe që pësuar nga izolimi i parë.

Rixhin Qoshja, kreu i Shoqatës Kombëtare të Transportit Qytetas ngriti shqetësimin ku theksoi se humbjet janë shumë të mëdha. Ai shtoi se kjo situatë mund t’i detyrojë që të mbyllen sërish.

“Ishim me humbje para këtij vendimi, tani jemi akoma me humbje. Pra situatë është shumë e vështirë për këtë transport dhe mbase shumë shpejt mund të kemi dorëzim të linjave nga operatorët te Bashkia Tiranë, si arsye e pamundësisë financiare për ta vazhduar këtë transport.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Nëse nuk ka asnjë reagim për plotësimin e kërkesave, shumë shpejt janë disa operatorë që do dorëzojnë këto linja.

Tirana mund të ngelet me disa shërbime më pak në transportin publik. Është shumë e rëndë për personat që përdorin transportin publik”, theksoi Qoshja në “Wake Up”.